Tónleikarnir hefjast klukkan 11 á laugardag og standa yfir til miðnættis. Einar Á. Sæmundsen, þjóðgarðsvörður á Þingvöllum, segir undirbúning fyrir tónleikana ganga vel. Vegna umfangs tónleikanna og fjölda gesta þurfi að loka bílastæðinu við tjaldsvæðið á Þingvöllum strax á morgun, en tjaldsvæðinu hefur þegar verið lokað.Hann hvetur gesti til að koma með rútuferð á laugardaginn til að minnka álagið á bílastæði og vegakerfið. Þá hvetur hann tónleikagesti til að búa sig vel, vera vel klæddir og ganga vel um svæðið.
