Velska söngkonan Bonnie Tyler er vöknuð úr dái en er enn þungt haldin á gjörgæslu á sjúkrahúsi í Faro í Portúgal. Tyler var haldið sofandi meðan hún jafnaði sig eftir bráðaaðgerð á þörmum í byrjun maí.Læknar segjast fullvissir um að hún nái sér en að batinn gangi hægt.Tyler stefndi á tónleikaferð í sumar í tilefni 50 ára afmælis lags hennar Lost in France. Tónleikum hefur ýmist verið frestað eða aflýst en vonir standa til þess að söngkonan jafni sig í tæka tíð fyrir tónleika sem eru áformaðir í haust.Tyler er 74 ára og skaust upp á stjörnuhimininn á níunda áratugnum við útgáfu smáskífunnar Total Eclipse of a Heart. Hún var heiðruð Grammy-verðlaunum fyrir útgáfu lagsins auk Faster Than the Speed of Light og Here She Comes.
