Talsverðar róstur voru í New York-borg í nótt eftir að körfuboltalið þar í borg, New York Knicks, vann langþráðan meistaratitil í NBA-deildinni. Þetta var í fyrsta sinn í 53 ár sem liðið hrósar sigri. Leikurinn í nótt fór fram á heimavelli andstæðinganna, San Antonio Spurs í Texas, en mikil fagnaðarlæti brutust út á götum Manhattan eftir að sigurinn var í höfn. Þegar á leið kvöldið fór gamanið að kárna. Fólk tókst á við lögreglu, skothvellir glumdu um Times Square og 17 ára piltur særðist. Þá var meðal annars kveikt í skólarútum sem átti að nota til að flytja áhorfendur á leiki á HM í fótbolta.
