Sú var tíðin að Evrópusambandið (ESB) var efnahagslegt stórveldi á borð við Bandaríkin og miklu ríkara en Kína. Upp úr 1990, um það leyti sem Ísland var að semja um aðild að Evrópska efnahagssvæðinu (EES), var hlutdeild ESB í heimsframleiðslunni samkvæmt hagtölum Alþjóðabankans um 28%. Þessi hlutdeild ESB í heimsframleiðslunni var þá ívið meiri en Bandaríkjanna og hátt í tvöföld hlutdeild Kína.
