Fjölmargar spurningar hafa vaknað um ýmislegt sem tengist Evrópusambandinu og mögulegri aðild Íslands að undanförnu. Borið hefur á því að fjöldi fólks notar gervigreind, ólík spjallmenni, við upplýsingaöflun. Rætt er um áhrif þessara breytinga í fréttaskýringaþættinum Þetta helst.Dósent í tölvunarfræði segir úttekt sérfræðinga hafa leitt í ljós að í 43% tilfella hafi heimildanotkun gervigreindar um málefni sem tengjast þjóðaratkvæðagreiðslunni í ágúst verið ófullnægjandi. Spjallmennin greiði þó fyrir aðgang að upplýsingum.„Það getur verið gott því aðgengi að upplýsingum er mögulega greiðara,“ segir Hafsteinn Einarsson, dósent í tölvunarfræði og sérfræðingur í gervigreind, þegar hann er spurður að því hvort það sé góð þróun að fleiri noti spjallmenni við upplýsingaöflun í aðdraganda kosning
