Tvennum sögum fer af atkvæðagreiðslu sem fram fór á aðalfundi knattspyrnufélagsins Vals í gær, um hvort reisa ætti á ný styttu af eins konar verndardýrlingi Valsara, séra Friðriki Friðrikssyni. Margir töldu að á aðalfundinum hefði verið felld tillaga þess efnis en það var hreint ekki það sem verið var að greiða atkvæði um að sögn Theódórs S. Halldórssonar. Tillagan snerist eingöngu um hvenær, ekki hvort.
