„Litli strákurinn minn sem er sex ára í dag var bara eins árs þegar þetta átti sér stað. Það var svo skrýtið að vera með nýtt líf í höndunum, vera bara með hann á brjósti og svo að vita ekki hvort þú sért að fara að lifa,“ segir hönnuðurinn, jógakennarinn og lífskúnstnerinn Erna Bergmann. Erna er eigandi sundfatamerkisins og heilsustúdíósins Swimslow og breytti algjörlega um stefnu í lífinu eftir að hún greindist með krabbamein.
