Lögreglan vekur athygli á fjársvikum þar sem hringt er í fólk úr íslenskum símanúmerum og íslenskumælandi talgervill er notaður við samskiptin.„Á línunni er aðili sem segist vera frá Microsoft og að eitthvað sé að tölvu þess sem hringt er í. Í framhaldinu er viðkomandi leiddur í gegnum ferli við uppsetningu búnaðar í tölvu sinni sem gerir brotamönnum kleift að komast yfir fjármuni hans,“ segir í tilkynningu. Svona svik eru ekki ný en það eru nýmæli að íslenska sé notuð.Telji fólk sig hafa orðið fyrir slíkum svikum er því bent á að hafa samband við viðskiptabanka sinn og tilkynna til lögreglu. Þá minnir lögregla á netbrotagáttina á island.is.RÚV / Ragnar Visage
