Í 29 sveitarfélögum, tæplega helmingi allra sveitarfélaga, náði eitt framboð hreinum meirihluta og þar þarf því ekki að mynda meirihluta. Í sjö sveitarfélögum voru óbundnar kosningar.Samkvæmt úttekt fréttastofu nær Sjálfstæðisflokkurinn hreinum meirihluta í ellefu sveitarfélögum. Framsóknarflokkurinn er með hreinan meirihluta í Grundarfirði. Aðrir stjórnmálaflokkar ná hvergi hreinum meirihluta, en það gera hin ýmsu bæjarmálaframboð. ÓBUNDNAR KOSNINGAR Í SJÖ SVEITARFÉLÖGUM Í sjö sveitarfélögum voru óbundnar kosningar þar sem allir kjörgengir íbúar voru í framboði. Kosið var í óbundnum kosningum í Dalabyggð, Eyja- og Miklaholtshreppi, Kaldrananeshreppi, Grýtubakkahreppi, Langanesbyggð, Fljótsdalshreppi og Ásahreppi.Þá var sjálfkjörið í fjórum sveitarfélögum, Kjósarhreppi, Snæfellsbæ, Tjör
