Einn fluttur með þyrlu Landhelgisgæslunnar eftir mótorhjólaslys

Þyrla Landhelgisgæslunnar var kölluð út klukkan hálf tvö í dag vegna mótorhjólaslyss í Staðarsveit á sunnanverðu Snæfellsnesi í dag.Þetta staðfesta Auðunn Kristinsson, framkvæmdastjóri á aðgerðasviði Landhelgisgæslunnar og Ásmundur Kristinn Ásmundsson, yfirlögregluþjónn hjá lögreglunni á Vesturlandi.Ásmundur segir að maðurinn hafi verið einn á ferð, misst stjórn á hjólinu og farið út af vegi. Vegfarendur komu að manninum og höfðu samband við neyðarlínuna og var þyrla Landhelgisgæslunnar kölluð út í kjölfarið.Hann segir manninn hafa verið með meðvitund er hann var fluttur á Landspítalann í Reykjavík með þyrlunni, en kveðst ekki veita frekari upplýsingar um ástand hans og líðan að svo stöddu.