Sement fauk yfir báta og bíla á Reyðarfirði

Talsvert af sementi gaus upp úr sementstönkum á Reyðarfirði í gær og féll á bíla og báta í smábátahöfninni. Tilkynning um atvikið var ekki send út og bíleigandi sem fékk efnið yfir bílinn undrast að hafa ekki verið látinn vita. Sement getur skemmt lakk á bílum.  STRÓKURINN STÓÐ YFIR SMÁBÁTAHÖFNINA Reyðfirðingar ráku upp stór augu og börnin í skólanum héldu að kviknað væri í þegar byrjaði að rjúka upp úr sementssílóunum við höfnina síðdegis í gær. Verið var að landa sementi og sjónarvottur telur að sementsgosið hafi staðið yfir í tíu mínútur. Smábátahöfnin fékk strókinn yfir sig og bátar voru útbíaðir í dag. Bátaeigendur voru sumir mættir til að skola af bátunum eftir hádegi og leist ekkert á að láta sementið liggja á. Aðrir vissu ekki af því sem gerst hafði. Við hittum á Guðmund Darra s