„Þetta er ekkert grín, að vera ég“

Fjöllistakonan Unnur Elísabet Gunnarsdóttir hefur verið skíthrædd í 40 ár. Hún er hrædd við myrkrið, vindhviður og stundum eplabita. Nú þykir henni þó vera nóg komið og opnar sig upp á gátt í sýningunni Skíthrædd í Þjóðleikhúskjallaranum þar sem hún fer yfir það sem hefur hamlað henni mest í lífinu.Þegar hún vaknaði daginn eftir sýningu við fjögurra stjörnu gagnrýni frá Morgunblaðinu varð hún meyr. „Ég var rosalega glöð í hjartanu og fór meira að segja smá að gráta af gleði,“ viðurkennir hún í samtali við Sigurlaugu Margréti Jónasdóttur í Segðu mér á Rás 1.Hún segist þó hafa vitað hvað hún væri með í höndunum og því hafi svo góðir dómar snert hana svo mjög. „Maður er búinn að vinna svo mikið í þessari sýningu, búinn að opinbera sig svo mikið, setja allt lífið í þetta og allt fjármagn sem é