2024 heitasta ár frá upphafi mælinga

2024 er hlýjasta ár síðan mælingar hófust. Það er enn fremur fyrsta árið þar sem meðalhiti er meira en 1,5° hærri en hann var fyrir iðnbyltingu. Fyrra met var sett 2023. Þetta kemur fram í tilkynningu veðurfarsþjónustu Kópernikus, sem er stofnun á vegum Evrópusambandsins sem er rekin af Reiknisetri evrópskra veðurstofa.Hnattrænn meðalhiti var 15,1°C í fyrra. Það er 0,72°C yfir meðaltali áranna 1991 til 2020. Meðalhiti ársins var auk þess 1,6°C yfir meðalhita áranna 1850 til 1900 sem er það tímabil sem er notað til að áætla hnattrænan hita fyrir iðnbyltingu. Hnattrænn meðalhiti var yfir þessum 1,5° mörkum alla mánuði síðasta árs að júlí undanskildum.Þrátt fyrir það var júlímánuður óvenjuheitur. Hann var næstheitasti mánuður sögunnar, á eftir júlí ári áður. Þá átti heitasti dagur sögunnar sé