Eftirleikir og Hygge: Ekkert er óbærilegra en fjölskyldubönd

Kolbeinn Rastrick skrifar:Eftirleikir er fyrsta kvikmynd Ólafs Árheims sem leikstýrði, klippti og framleiddi. Ferlið tók rúm átta ár frá því að hann hóf að skrifa handrit myndarinnar árið 2016. Tökur fóru fram í þremur hlutum, 2017, 2019 og 2021.Eftirleikir er sótsvört kómedía og spennutryllir sem gerist á þremur tímalínum, árið 1992, 2008 og 2018. Árið 1992 fylgjumst við með Jóngeiri, leiknum af Jóa Jóhannssyni, sem er búinn að missa konu sína og dóttur í skilnaði, vegna þess að hann er fylliraftur og ónytjungur. Uppfullur af heift leitar hann uppi kennara sinn úr barnaskóla, Svein, leikinn af Eggerti Rafnssyni, sem að mati Jóngeirs er valdur að því að líf hans fór í vaskinn. Endurfundir þeirra eru langt í frá ánægjulegir og festast þeir í minni ungs sonar Sveins, Kára.Kolbeinn Rastrick,