Bölvað bras og eilífar erjur eða vel launuð innivinna?

Grímur Grímsson, Alma Möller og Snorri Másson. Þetta eru aðeins þrír af þeim fjölmörgu þjóðþekktu Íslendingum sem hafa lýst yfir framboði fyrir komandi Alþingiskosningar eða eru að íhuga það. En í hvaða starf er þetta fólk að sækjast? „Ég held að fyrir flesta sé þingmennska hörkuvinna sem menn þurfa að hafa dálítið mikið fyrir,“ segir Birgir Ármannsson, forseti Alþingis og einn fjögurra þingmanna sem er með tuttugu ára reynslu af þingmennsku. „Þingmenn eru ágætlega launaðir en fyrir þá flesta er tímakaupið ekkert ákaflega hátt.“ STÓR ÁKVÖRÐUN AÐ FARA Í FRAMBOÐ - LÍKA FYRIR FJÖLSKYLDUNA Það hefur stundum verið kvartað undan því að Alþingi sé ekki fjölskylduvænn vinnustaður og Birgir tekur alveg undir það þótt hann telji Alþingi ekkert öðruvísi en önnur þjóðþing. Það komi alltaf dagar inn