Færri kaupa fleiri íbúðir

Aukið jafnvægi er að færast yfir fasteignamarkaðinn þrátt fyrir mikla eftirspurn. Kaupsamningum fækkaði milli mánaða en þeim íbúðum sem seldust fjölgaði lítillega á sama tíma, sem þýðir að meira var um að kaupendur tryggðu sér nokkrar íbúðir í einu.Þetta er meðal þess sem kemur fram í nýrri mánaðarskýrslu Húsnæðis- og mannvirkjastofnunar. Áhrifin af uppkaupum fasteignafélagsins Þórkötlu á íbúðarhúsnæði Grindvíkinga og kaup þeirra á íbúðum annars staðar fara minnkandi. FLEIRI ÍBÚÐIR TIL SÖLU Íbúðum til sölu fjölgaði um hátt í tíu prósent milli mánaða, úr 3.300 í lok júlí í 3.600 í lok ágúst. Megnið af þeirri fjölgun var á höfuðborgarsvæðinu.Íbúðaverð hefur hækkað um 4,5 prósent umfram verðbólgu á einu ári. Þar kann að hafa nokkur áhrif að mun meira selst af nýjum íbúðum en áður þó að þær