Ákvæði um ríkisborgararétt kjósenda felldi frumvarp um fjármögnun ríkissjóðs

Fulltrúadeild Bandaríkjaþings felldi tillögu Repúblikana um fjármögnun ríkissjóðs til næstu sex mánaða og þar með fram yfir forsetakosningarnar í nóvember. Fjárveitingarheimildir renna út í septemberlok en þingmenn úr báðum flokkum greiddu atkvæði gegn frumvarpinu.Meginástæðan er sú að frumvarpið innihélt einnig ákvæði þar sem fólki er gert að sanna ríkisborgarrétt sinn áður en það getur skráð sig sem kjósanda. Það gengur undir heitinu SAVE Act.Donald Trump, forsetaframbjóðanda Repúblikanaflokksins, er mjög í mun að koma því í gegn en ríkisstjórn Joes Biden er því afar andsnúin og óttast að kjörgengum verði meinað að kjósa. Engar vísbendingar séu um að fólk án ríkisborgararéttar gangi að kjörborði enda bannað lögum samkvæmt. TRUMP LAGÐI HART AÐ FORSETA FULLTRÚADEILDARINNAR Trump þrýsti