Almenningur fær lítið að sjá frá brúðkaupi Mörtu Lovísu og Verretts

Hvorki fjölmiðlar né norskur almenningur fá að heyra þær ræður og ávörp sem flutt verða við brúðkaup Mörtu Lovísu prinsessu og Dureks Verrett í Geirangri um næstu helgi.Þetta kemur fram í tilkynningu samskiptastjóra hirðarinnar, brúðkaupsveislan sé einkaviðburður ólíkt því sem var þegar Marta Lovísa gekk í hjónaband með rithöfundinum Ara Behn árið 2002. Þeirri athöfn var að stærstum hluta sjónvarpað á NRK en þau skildu 2017 og hann lést tveimur árum síðar.Gestalista brúðkaupsins verði heldur ekki deilt opinberlega né öðru því sem fram fer í brúðkaupsveislunni. Breska slúðurblaðið Hello! keypti einkarétt á ljósmyndum tengdum viðburðinum.Norska ríkisútvarpið hefur eftir ónafngreindum heimildarmönnum að Netflix hafi tryggt sér sjónvarpsréttinn að brúðkaupinu enda heimildarmynd væntanleg um ás