Væringar í samstarfi hægri flokka á Evrópuþinginu

Kosningarnar til Evrópuþingsins hefjast sjötta júní, og standa í þrjá daga í öllum tuttugu og sjö aðildarríkjum Evrópusambandsins. Kosið er um 720 sæti á þinginu og skoðanakannanir að undanförnu hafa bent til þess að þótt meginstraumsflokkar beggja vegna við miðjuna eigi sennilega eftir að halda völdum á Evrópuþinginu, þá er búist við að harðlínuflokkar á hægri vængnum auki fylgi sitt og þar með áhrifamátt á þinginu.En það eru hins vegar blikur á lofti, ekki síst eftir að franska Þjóðfylkingin, Rassemblement National, ákvað fyrr í vikunni að slíta samstarfi við þýska þjóðernisflokkinn, Alternative für Deutschland. Það gerðist eftir að oddaframbjóðandi AfD, maður að nafni Maximillian Krah, lýsti því yfir í viðtali við ítalskt dagblað að meðlimir SS-sveita nasista í seinni heimsstyrjöld hefð