Hvetja fólk til að yfirfara bólusetningar fyrir ferðalög erlendis

Heilsugæsla höfuðborgarsvæðisins hvetur fólk sem hyggur á ferðalög að yfirfara bólusetningar sínar og barna sinna áður en farið er af landi brott. Þetta á ekki aðeins við um framandi lönd, heldur einnig þegar farið er til Evrópu og Bandaríkjanna að því er segir í tilkynningu frá Heilsugæslu höfuðborgarsvæðisins.Mikilvægt sé að kanna hvort bæta þurfi við bólusetningum með góðum fyrirvara áður en flogið er af landi brott.Nanna Sigríður Kristinsdóttir, fagstjóri lækninga hjá Heilsugæslu höfuðborgarsvæðisins, segir fólk hingað til aðallega hafa skoðað bólusetningar fyrir ferðalög á fjarlægar slóðir, svo sem til Asíu, Afríku eða Suður-Ameríku.„Það hafa komið upp alvarlegir faraldrar í Evrópu og Bandaríkjunum undanfarið sem kalla á að við endurskoðum þá nálgun og tryggjum að við séum nægilega ve