Algjört bíómóment þegar þeir fengu símtalið um Söngvakeppnina

„Ég myndi alveg segja að þó að við séum bræður og það sé alveg beef af og til erum við alltaf bestu vinir á endanum,“ segir Matthías Davíð Matthíasson. Hann og Hálfdán Helgi Matthíasson, bróðir hans, eru fæddir upp úr aldamótum og það er bara ár á milli þeirra. Þeir hafa alla tíð verið samrýmdir og skipa saman dúettinn VÆB sem tekur þátt í Söngvakeppninni með laginu Bíómynd. Þeir voru gestir Júlíu Margrétar í hlaðvarpinu Með söngvakeppnina á heilanum. NÓG AF SYSTKINUM OG LÍF OG FJÖR Á HEIMILINU „Við höfum verið að bralla eitthvað frá því við vorum krakkar,“ segir Matthías. Þeir eru fæddir og uppaldir í Kópavogi og bera hverfinu góða sögu. „Það er geðveikt hverfi,“ segir Hálfdán. „Við erum mjög sáttir.“Bræðurnir koma úr stórri og tónelskri fjölskyldu. „Mamma eignaðist þrjú börn á einu og