Seinka skóladeginum í unglingadeildum borgarinnar

Skóladegi unglingadeilda í Reykjavík verður seinkað frá og með haustinu 2024. Skóladagurinn mun hefjast í fyrsta lagi klukkan 8:50 að morgni. Árgangar mega einnig byrja seinna að morgni, það er í höndum stjórnenda og starfsfólks hvers skóla að útfæra breytinguna. Í bréfi sem Helgi Grímsson, sviðsstjóri skóla- og frístundasviðs hjá Reykjavíkurborg, sendi foreldrum barna í unglingadeild grunnskóla borgarinnar í kvöld, segir að um sé að ræða tilraunaverkefni til þriggja ára.Verkefnið var samþykkt í borgarráði í kjölfar tveggja rannsókna sem stýrt var af Erlu Björnsdóttur, sálfræðingi og svefnsérfræðingi. Í kjölfarið var skipaður starfshópur um málið.Þar höfðu aðkomu fulltrúar nemenda, skólastjórnenda, Íþróttabandalags Reykjavíkur (ÍBR), Heimila og skóla auk fulltrúa frá Reykjavíkurborg, að þv