Ljóðskáldið Heiða Vigdís Sigfúsdóttir gaf nýverið út ljóðabókina Í hæfilegu magni hjá Forlaginu. Þar fylgir lesandi konu sem virðist í upphafi falla að öllum helstu viðmiðum samfélagsins en reynist eftir því sem á líður búa yfir fjölbreyttari persónueinkennum en þar rúmast.Í hæfilegu magni er fyrsta ljóðabók höfundar en árið 2022 bar hún sigur úr býtum í handritasamkeppni Forlagsins með sögunni Getnaði. Melkorka Ólafsdóttir ræddi við Heiðu í Víðsjá á Rás 1. FÆR EKKI AÐ VERA ALLT LITRÓFIÐ AF SJÁLFRI SÉR „Þessi titill kemur úr fyrsta ljóðinu, þar sem ljóðmælandinn er að útskýra hvernig hún fær að vera til í samfélaginu í hæfilegu magni,“ útskýrir Heiða. Út á við virðist ljóðmælandinn njóta allra þeirra forréttinda sem samfélagið býður upp á en í ljós kemur að hún fær ekki fyllilega að ver
