Daníel F. Guðbjartsson hefur verið ráðinn forstjóri Íslenskrar erfðagreiningar en hann hefur starfað hjá fyrirtækinu í tæplega þrjá áratugi. Þetta segir í fréttatilkynningu.„Daníel hefur starfað hjá Íslenskri erfðagreiningu frá árinu 1998 og gegnt þar lykilhlutverki í vísindastarfi og vexti fyrirtækisins. Hann var áður yfirmaður tölfræðigreiningar og tók við stöðu yfirvísindamanns (Chief Scientist) hjá félaginu á síðasta ári,“ segir þar.„Daníel býr yfir djúpri sérþekkingu á þeim vísindalega og aðferðafræðilega grunni sem starfsemi og rannsóknir Íslenskrar erfðagreiningar byggja á,“ er haft eftir Howard Chang, aðstoðarforstjóra alþjóðlegra rannsókna og vísindastjóra Amgen, móðurfyrirtæki Íslenskrar erfðagreiningar, í tilkynningunni.Kári Stefánsson, stofnandi Íslenskrar erfðagreiningar, lét
