Ekki er að sjá að mikil þörf sé á því að stækka frekar gjaldeyrisforða Seðlabankans um þessar mundir, að sögn sérfræðings á gjaldeyrismarkaði, sem telur sennilegra að áform bankans um að hefja á nýjan leik regluleg gjaldeyriskaup miði að því að halda aftur af gengisstyrkingu krónunnar. Markaðurinn ætti að eiga auðvelt með að mæta þessari gjaldeyriseftirspurn hjá Seðlabankanum á komandi mánuðum.
