Að minnsta kosti 880 almennir borgarar voru drepnir í drónaárásum í Súdan fyrstu fjóra mánuði ársins.Átök hafa staðið milli súdanska hersins og RSF-hersveitanna frá því í apríl 2023. Drónaárásir hafa stigmagnast á undanförnum mánuðum.Volker Turk, mannréttindastjóri Sameinuðu þjóðanna, segir í yfirlýsingu að drónaárásir séu nú helsta dánarorsök dauðsfalla almennra borgara í Súdan. Þær hafi valdið 80 prósentum allra dauðsfalla almennra borgara í átökunum á tímabilinu janúar-apríl 2026. Aukin notkun dróna geri það að verkum að hægt sé að halda átökum áfram „án afláts“ yfir regntímabilið, sem áður einkenndist af hléi í bardögum.Stigmögnun átaka á komandi vikum gæti aukið hættuna á því að átök breiðist enn frekar út. Borgarastyrjöldin hefur staðið í rúm þrjú ár í Súdan og kostaði tugþúsundir ma
