Það verður rigningarlegt framan af degi víðast hvar í dag. Hitinn hefur verið að þokast upp á við síðustu daga og gæti farið í sex til tólf stig í dag og á morgun.Í dag og næstu daga má búast við vætu og nokkrum blæstri.Veðurspáin er svohljóðandi:Suðvestan átta til þrettán metrar á sekúndu og dálítil væta í flestum landshlutum, en skýjað með köflum síðdegis og styttir upp að mestu. Hiti 6 til 12 stig.Snýst í norðan átta til þrettán á morgun. Rigning eða slydda með köflum norðan- og austanlands, en bjartviðri sunnan heiða. Hiti frá 2 stigum í innsveitum norðaustantil, upp í 12 stig syðst.
