Kolbeinn Rastrick skrifar:Kvikmyndin Michael var frumsýnd í Berlín þann 10. apríl á svokölluðu Michael Global Fan Celebration, viðburði sem stóð yfir í þrjá daga. Það ætti að gefa ákveðna vísbendingu um hvers konar mynd Michael er. Þetta er mynd fyrir aðdáendur stórstjörnunnar heitinnar.Myndin spannar uppvaxtarár Michaels Jackson í Gary í Indiana frá sjöunda áratugnum fram til ársins 1988. Upprunalega átti myndin að ná til ársins 1995 og taka þá meðal annars á fyrsta dómsmálinu sem höfðað var gegn Michael fyrir meint kynferðisbrot. Þegar tökum var lokið kom í ljós að ekki mátti fjalla um dómsmálið af lagalegum ástæðum og þurfti því að breyta endinum. Myndin lætur því staðar numið í miðjum klíðum á fyrsta sólótúr Michaels.Sú ákvörðun að hætta þegar hæst stendur er sérstök en það er svo sann
