Bankastjóri Landsbankans segir samanlögð áhrif sértækra skatta og vaxtaleysi á bindiskyldu hjá Landsbankanum leiða til allt að 0,65 prósentustiga hærri útlánsvaxta en ella, á ári. Það jafngildi kostnaði upp á 323 þúsund krónur fyrir fimmtíu milljóna króna íbúðalán á ári. Til stendur að afla frekari viðbótartekna frá fyrirtækjum í fjármálageiranum, samkvæmt fjármálaáætlun næstu ára.
