Trausti Ólafsson skrifar:Það einkennir sýningu leikhópsins Endalaus vitleysa á leikritinu Ég, Jóhanna eftir breska leikskáldið Claire Josephine, að þeim sem standa á sviðinu, svo og öllum aðstandendum sýningarinnar, liggur mikið á hjarta. Í leikritinu, sem Valgeir Skagfjörð þýddi á íslensku, er sagan af líklega þekktasta kvenkyns herforingja allra tíma, Jóhönnu af Örk, umskrifuð til þess að koma þeim boðum skýrt til skila að kynhneigð fólks er margbreytileg, og þau sem á einhvern hátt skera sig úr meginflokkunum tveimur, konum og körlum, verða fyrir ofbeldi, alls konar misskilningi og útskúfun vegna þess hve hinsegin og kynsegin þau eru.Sumt af þessu fólki má gjalda fyrir það með lífi sínu að vera öðruvísi en karlar og konur almennt eru hvað varðar kynhneigð og kynvitund. Erindi leikhópsin
