Í hverri viku koma upp mál á Keflavíkurflugvelli sem tengjast vændisstarfsemi. Lögreglan telur að mestöll vændisstarfsemi hérlendis tengist mansali og skipulagðri brotastarfsemi.Kveikur var á staðnum sumarið 2024 þegar ung kona var stöðvuð í flugstöðinni við komu sína til landsins.Ung kona var stöðvuð á Keflavíkurflugvelli vegna farangurs sem talinn var óvenjulegur. Í ljós kom að konan var hingað komin vegna vændis. Lögreglan taldi að stjúpfaðir hennar væri ábyrgur fyrir því. Vændismál koma reglulega upp á flugvellinum.„Hún er búin að koma til landsins fimm sinnum. Við höfum haft afskipti af henni í Reykjavík, komið í íbúðina hennar, þar sem hún er í undirfötum – ekki með skilríki eða vegabréf meðferðis,“ segir lögreglumaður á Suðurnesjum um konuna.Lögreglumaðurinn starfar við viðkvæman má
