Tveir unglingar á mótorhjóli voru drepnir í drónaárás Úkraínuhers á rússneska héraðið Belgorod. Dmitry Medvedev, varaformaður öryggisráðs Rússlands, fylgist með heræfingu nærri St. Pétursborg 30. apríl.EPA / EKATERINA SHTUKINA/ SPUTNIK / GOVERNMENT PRESS SERVICE / POOLHéraðsstjórinn segir í færslu á Telegram að vísvitandi hafi verið ráðist á ungu mennina sem létust umsvifalaust af sárum sínum. Rússar hafa frá upphafi innrásarstríðsins gert nánast linnulausar árásir á innviði Úkraínu. Úkraínsk stjórnvöld segja hefndaraðgerðum fyrst og fremst beint að orkuinnviðum Rússlands en þarlend stjórnvöld hafa ítrekað sakað Úkraínuher um að gera mannskæðar árásir á almenna borgara. Friðarviðræður með milligöngu Bandaríkjanna hafa frestast vegna þátttöku þeirra í stríðinu gegn Íran.
