Veður og öldulag þann 30. júní 2025 var með þeim hætti að sjósókn lítilla báta gat verið varhugaverð út af Patreksfirði, þar sem Magnús Þór Hafsteinsson drukknaði. Samkvæmt skýrslu Rannsóknarnefndar samgönguslysa má telja líklegt að rafgeymar sem ekki gátu fætt lensidælur hafi skert sjóhæfni Ormsins langa. Auk þess hafi bátnum verið siglt í gegnum Blakksnesröstina, sem geti verið smærri bátum varhugaverð, þó að sú sigling til hafnar sé styttri.
