„Það er svo margt sem maður áttar sig ekki á að séu forréttindi. Frá því ég missti foreldra mína hef ég til dæmis alltaf reynt að fá vakt um jólin því ég veit aldrei hvar ég á að vera,“ segir Ragnhildur Björk Ingvarsdóttir sem opnaði sig nýverið á samfélagsmiðlum um sorgina sem fylgdi því að missa báða foreldra sína en í mörg ár reyndi hún að ýta sorginni frá sér. Ragnhildur ræddi við blaðamann um missinn, áfallavinnuna, sorgina og framtíðina.
