Sumardagurinn fyrsti var haldinn hátíðlegur í dag við Landbúnaðarháskóla Íslands með reiðsýningu og reiðkeppni á svokölluðum Skeifudegi. Dagurinn hefur verið haldinn hátíðlegur frá árinu 1957.Eyjólfur Guðmundsson, deildarforseti LBHÍ, skýrir að nemendur haldi upp á daginn með reiðkeppni og sýningu hrossa sem þeir hafi tamið í vetur. Þeir sjái sjálfir um alla skipulagningu hans með aðstoð starfsfólks.„Hér fögnum við sumrinu með glæsilegri reiðsýningu og keppni sem tókst með miklum ágætum hér fyrri part dags,“ segir hann. Dagurinn dregur nafn sitt af Morgunblaðsskeifunni, sem eru verðlaun gefin af Morgunblaðinu.Í ár var Halla Tómasdóttir, forseti Íslands, viðstödd – fylgdist með keppninni og flutti ávarp. „Hún var afskaplega ánægð með þetta flotta fólk sem sýndi sínar bestu hliðar,“ segir Ey
