Það er alltaf gaman að sjá hvernig hægt er að gera veisluborð bæði falleg og um leið gómsæt. Nú fer í hönd mikið veislutímabil með útskriftum, fermingum, brúðkaupum og fleiru. Hvað er helst í tísku í veislutertum og veislukökum? Hvernig er hægt að samstilla kökurnar og skreytingarnar? Vala Matt fór fyrir Ísland í dag og skoðaði hvað þær Auður Ögn Árnadóttir og Sylvía Haukdal eru að gera í 17 sortum þar sem þær baka og skreyta fyrir öll tækifæri, oft á ævintýralegan hátt.
