Stelpurnar þekktust ekkert fyrirfram en eru allar á lokaönn í MS. Þær skrifuðu niður fimm vandamál í sínu lífi og það sem sameinaði þær voru magavandamál. Því var farið í að finna lausn á því máli og úr varð heilsudrykkurinn Blær sem er bæði hluti af lokaverkefni stelpnanna í skólanum og framlag þeirra á Vörumessunni. Ölgerðin valdi hópinn til samstarfs en í drykknum eru til að mynda góðgerlar, akasíutrefjar og C- og D-vítamín en ekkert koffín.„Þetta var krefjandi fyrst, við þurftum að passa samskipti og svona. Við erum búnar að vinna að þessu núna í hálft ár. Við hófum forsölu og hún gekk vel. Vonandi kemur þessi drykkur á markað í haust,“ segja stelpurnar.Hópinn skipa þær Tekla Ósk Bjarnadóttir, Hafdís Lilja Jónsdóttir, Rebekka Lind Kristinsdóttir og Sólný Helga Sigurðardóttir.
