Þrír voru drepnir í loftárás Ísraelshers nærri borginni Khan Younis á Gaza í kvöld, samkvæmt upplýsingum almannavarna Hamas. Ísraelskir skriðdrekar við landamærin að Líbanon.EPA / ATEF SAFADIÞrátt fyrir að vopnahlé hafi staðið síðan í október saka stríðandi fylkingar hvor aðra um sífelld brot á ákvæðum þess. Samkvæmt upplýsingum heilbrigðisráðuneytis Hamas á Gaza hafa ísraelskir hermenn drepið yfir 770 Palestínumenn frá því vopnahléð hófst. Sameinuðu þjóðirnar segjast treysta tölum ráðuneytisins. Á sama tíma hefur Ísraelsher greint frá drápi fimm hermanna.
