Stjórn TM-móts Stjörnunnar biðst afsökunar á því að engin stelpa sé sjáanleg í myndböndum sem birt voru til þess að þakka þátttakendum mótsins fyrir komuna. Þessu er greint frá á Facebook-síðu mótsins.Í umræddum myndböndum var stelpum þökkuð þátttaka á mótinu með mynd af bangsa á meðan strákar í sama flokki fengu myndband af tilþrifum sínum.Myndböndin og færslurnar hafa verið fjarlægð af upplýsingasíðu mótsins. Á mótinu keppa börn í 6.-8. flokki í fótbolta á aldrinum 4-9 ára.Á síðunni kemur fram að mikil áhersla sé lögð á að gera öllum jafn hátt undir höfði á alla vegu. „Hvað myndir varðar þá sést vel ef t.d. rennt er yfir Facebook-síðu mótsins að það er raunin – eins og það á að vera!“Í yfirlýsingunni segir að myndefni frá mótinu, sem lauk í gær, hafi ekki verið tilbúið og því sett inn el
