Greiningardeild Landsbanka Íslands segir að merki séu komin fram um að einkaneysla fari minnkandi. Þetta segir deildin eftir að kortavelta innanlands dróst saman annan mánuðinn í röð.Landsmenn notuðu kort sín reyndar aðeins meira í heildina í síðasta mánuði en í sama mánuði í fyrra. Aukningin milli ára var 0,8 prósent að raunvirði. Það á sér þó þær skýringar að landsmenn juku neysluna erlendis um 13,5 prósent en á sama tíma dróst kortaveltan innanlands saman um 2,8 prósent. Þrátt fyrir stóraukna kortaveltu erlendis milli ára í mars fóru landsmenn sjaldnar til útlanda en áður. Þetta telur greiningardeildin til marks um að netverslun Íslendinga í útlöndum hafi aukist milli ára.
