Mál Peters Mandelson verður sífellt þyngra í skauti fyrir breska forsætisráðherrann Keir Starmer. Hann hyggst í dag reyna að sannfæra þingmenn um að hann hafi ekki haft hugmynd um að sendiherrann fyrrverandi stæðist ekki öryggiskröfur. Breskir þingmenn munu því í dag þjarma að Starmer eftir ávarp þar sem hann reynir að færa sönnur fyrir því að hann hafi ekki vitað að Peter Mandelson stóðst ekki öryggisvottun eftir að hann útnefndi hann sendiherra í Bandaríkjunum haustið 2024. Mandelson var rekinn síðasta haust vegna vinfengis við kynferðisbrotamanninn Jeffrey Epstein. Beiting sérstakrar heimildar til að veita Mandelson öryggisvottun þrátt fyrir það sagði Starmer ófyrirgefanlegt klúður hjá utanríkismálaskrifstofunni og rak Olly Robbins, háttsettan embættismann hennar. Olly Robbins kemur fyr
