Sífellt erfiðara er að tryggja öryggi fanga og starfsfólks í fangelsum því þau eru yfirfull. Í kvöldfréttum í gær kom fram að staðan hafi talsverð áhrif á störf lögreglu sem, í einhverjum tilfellum, veigri sér við að fara fram á gæsluvarðhald og ekki sé alltaf hægt að tryggja rannsóknarhagsmuni.Þorbjörg Sigríður Gunnlaugsdóttir dómsmálaráðherra segir stöðuna tilkomna vegna þess að fangelsin hafi verið vanrækt árum saman. „Á sama tíma og það hefur verið kraftmikil fólksfjölgun í landinu. Stutta svarið er auðvitað bara að okkur vantar fleiri fangelsispláss og ég er í vinnu til að koma því til leiðar en það er langtímaverkefni og þess vegna þarf ég að horfa á skammtímaaðgerðir líka,“ segir hún.Fangelsisstofnun hafi fengið 230 milljónir aukalega í fyrra til að tryggja betra vinnuumhverfi fyrir
