Íbúar og velunnarar Hóla í Hjaltadal eru ómyrkir í máli í yfirlýsingu sem samþykkt var á fundi þeirra nýlega. Segir þar að tillögur sem nú liggja fyrir um framtíðarskipulag Hóla hafi verið unnar án nokkurs samráðs við íbúa staðarins, almenna starfsmenn Háskólans á Hólum og aðra hagaðila tengda Hólastað og virðist byggjast á þekkingarleysi og takmarkaðri framtíðarsýn fyrir Hóla sem eins af merkustu mennta-, menningar- og sögustöðum landsins.
