Ökumaður var sviptur réttindum eftir að hafa reynt að komast undan lögreglu á 212 kílómetra hraða um Hafnarfjörð þar sem hámarkshraði er 80. Tveir bíla lögreglunnar á höfuðborgarsvæðinu.RÚV / Ragnar VisageLögregla var kölluð til vegna líkamsárásar á skemmtistað í Kópavogi en gerandi var á bak og burt þegar lögreglumenn bar að. Slagsmál brutust út í strætisvagni á ferð um Árbæjarhverfi og brotist var inn í kirkju í Háaleitishverfi. Ekki er vitað hvort nokkru var stolið. Nokkur erill var í miðborg Reykjavíkur þar sem fólk var handtekið vegna áfengisneyslu, vopnalagabrota, brota á lögreglusamþykkt og sölu á læknadópi auk þess sem einstaklingur til vandræða réðst á lögreglumenn sem höfðu afskipti af honum.
