Konur verja meiri tíma til útivistar en karlar og eldra fólk er meira útivið en það yngra samkvæmt niðurstöðum nýrrar skýrslu Lýðheilsustofnunar Svíþjóðar. Útivist virðist einnig stuðla að betri almennri heilsu og góðri andlegri líðan.Lítil útivera dregur úr andlegri vellíðan, samkvæmt orðum skýrslunnar sem er ætlað að verða þekkingargrunnur fyrir átak þar sem hvetja á til aukinnar útiveru og vekja athygli á mikilvægi almennrar lýðheilsu.Þar segir einnig að þeir íbúar Svíþjóðar sem fæddir eru í landinu eða á öðrum Norðurlöndum verji meiri utanhúss en þeir sem eiga uppruna annars staðar úr Evrópu.Fólk með hærri tekjur og meiri menntun stundar útivist af meira kappi en fólk í lægri tekjuhópum og með minni menntun og íbúar smærri byggðakjarna eru meira úti við en þeir sem búa í stórborgum.
