Þrjár kynslóðir sýna nú verk sín á Bókasafni Hveragerðis á sýningu, sem heitir „Mæður – Ljósmæður“ en þar eru meðal annars myndir af höndum ljósmæðra og ungbörnum. Um fjögur þúsund börn fæðast hér á landi árlega en fæðingartíðni fer þó lækkandi.Það eru þrjár kynslóðir, sem eru með verk á sýningunni, en það er hún Ingibjörg, sem myndskreytti Brjóstagjafabókina sem kom út hjá Bókafélaginu fyrir um ári en á sýningunni má sjá upprunalegu myndskreytingarnar úr bókinni í nýjum búningi. Svo er það Hulda Sigurlína, sem er ljósmóðir, brjóstagjafaráðgjafi, áhugaljósmyndari og einn af höfundum Brjóstagjafabókarinnar. Hulda Lína sýnir ljósmyndir af höndum ljósmæðra á sýningunni og loks er það Ronja Vignisdóttir, sem er nemandi við Grunnskólann í Hveragerði, sem á nokkur verk með mömmu sinni og ömmu á
