Undanfarinn vetur hefur verið annasamur hjá söng- og leikkonunni Sigríði Eyrúnu Friðriksdóttur sem hefur staðið á sviði Þjóðleikhússins, kennt og lesið inn hljóðbækur. „Ég er svolítið þreytt en rosa nærð á sálinni. Það er svo mikið að gera, skemmtilegt að gera,“ segir Sigríður sem leikur í bæði Línu langsokk og Ormstungu flest kvöld vikunnar. Sigurlaug Margrét Jónasdóttir ræddi við hana í Segðu mér á Rás 1.„Ég er mjög góð í að skipuleggja mig en ég er líka mjög bjartsýn manneskja þannig að það gengur einhvern veginn allt upp. Svo á ég líka ofboðslega gott fólk í kringum mig.“Hún hefur þurft að finna gleðina í sorginni og það fyndna í hinu hræðilega. DÝRMÆTT AÐ GEFA FÓLKI ÞESSA UPPLIFUN Þegar Sigríður leikur í Línu langsokk allar helgar vandar hún sig mikið við að verja tíma með yngstu d
