„Ég gleymi því aldrei þegar ég kveð mömmu og pabba og þau sjá mig hverfa inn í mannhafið á Manhattan. Þetta voru æðisleg mótunarár,“ segir fata- og búningahönnuðurinn, lífskúnstnerinn og fagurkerinn María Theodóra Ólafsdóttir. Frá blautu barnsbeini hefur María búið yfir gríðarlegri sköpunargleði en hún hefur alltaf farið eigin leiðir, lærði í Parsons í New York og hefur verið órjúfanlegur hluti af ævintýraheimi leikhússins undanfarna áratugi.
