Bandarísk stjórnvöld hafa ákveðið að framlengja um mánuð sérstaka undanþágu frá banni við kaupum á rússneskri olíu. Scott Bessent er fjármálaráðherra Bandaríkjanna.EPA / SHAWN THEWHeimildin takmarkast þó líkt og áður við kaup á olíu sem nú þegar er um borð í rússneskum skipum á hafi úti. Fjármálaráðuneytið tilkynnti þetta í gær, tveimur dögum eftir að ráðherrann Scott Bessent staðhæfði að undanþágunni yrði ekki framlengt. Bandaríkjamenn ákváðu um miðjan mars að aflétta banninu að sögn til að auka stöðugleika á alþjóðlegum orkumörkuðum, enda var olíuverð þá þegar tekið að hækka vegna stríðsins gegn Íran.
