Bandaríski tónlistarmaðurinn d4vd, eða David Anthony Burke, er í haldi lögreglu í Los Angeles grunaður um að hafa myrt 14 ára stúlku sem fannst örend í skotti Tesla-bifreiðar í hans eigu síðasta haust. David Anthony Burke eða d4vd á sviði Montreux jasshátíðarinnar í Sviss árið 2024.EPA / CYRIL ZINGAROBíllinn stóð á svæði fyrirtækis sem fjarlægir yfirgefna eða bilaða bíla. Lík stúlkunnar, Celeste Hernandez, var illa farið og réttarmeinafræðingar sögðu það hafa legið talsverðan tíma í bílnum áður en það fannst. Í yfirlýsingu lögreglu segir að Burke verði í haldi yfir helgina meðan saksóknari metur hvort rétt sé að ákæra hann fyrir morðið. Heilt ár er síðan Celeste Hernandez sást seinast á lífi en þá var tilkynnt um hvarf hennar.
